Ricardo Carvalho Calero escreveu poesía dende que tiña 15 anos. Foi poeta toda a súa vida. Ademais de narrador, autor de teatro e  lingüista a poesía foi un eixe central dentro do seu labor literario e investigador. A poesía era un ben precioso ao que se aferrar como instrumento necesario a través do cal verter as súas inquedanzas, dúbidas, alegrías, pensamentos... O poema Ferrol 1916 apareceu publicado no  libro Futuro condicional e móstranos claves autobiográficas que nolo aproximan.

Esta lectura perfecta nas voces infantís trasládanos ao Ferrol de comezos do século XX. Os versos de Carvalho anóvanse coa voz do seu bisneto.