4º EP recibe ao arqueólogo Alberto Rodríguez

 

O día 3 de febreiro de 2022, o alumnado de 4º EP recibiu a visita dun arqueólogo. Alberto Rodríguez Costas no seu encontro coas alumnas e alumnos explicoulles en que consiste o seu traballo, como se realiza unha escavación arqueolóxica e as precaucións que hai que ter cos achados, os pasos a seguir e como se documentan e trasladan os restos atopados.


Tamén lles contou sobre os lugares do mundo que visitou, os fósiles e outros elementos que descubriu. Puideron observar de primeira man fósiles de estrelas de mar, pedras, restos de cerámica...froito do traballo de Alberto en lugares como Ecuador, Alemaña ou a India.

 

Esta visita completou o traballo realizado na clase sobre a arqueoloxía a través da lectura de materias e o visionado dun filme da serie de Indiana Jones.


Toda unha aventura ter con nós un arqueólogo que respondeu as preguntas dos rapaces e rapazas ávidos de coñecemento.

 

Colexio Fingoi, Aviación Española nº 37, 27002 Lugo  - secretaria@fingoi.com

Tel: 982 221 630 - 982 284 094

(9:00 a 16:00 h)