10 razóns para escoller o Colexio Fingoi
Coñece os aspectos chave que fan do modelo educativo de Fingoi unha boa elección para os teus fillos.
Elixir Fingoi
Cada ano son moitas as familias que se enfrontan a unha importante decisión: que centro escolar deben elixir para que os seus fillos comecen ou continúen os seus estudos.
Para moitos pais e nais, especialmente os primerizos, esta elección percíbese como unha gran responsabilidade, por iso desde Fingoi queremos simplificar este paso.
A noso longa experiencia en innovación didáctica
Desde 1950 defendemos a educación por proxectos a través dos ciclos da natureza e da cultura máis próxima, apostando por un modelo laico e construtivista baseado no método científico, que fomenta a curiosidade e o espírito crítico.
A nosa metodoloxía
Un método propio con ratios reducidas e sen libros de textos, con elaboración de material didáctico único. Unha educación que ensina a “aprender a aprender”, fomentando a reflexión e o interese por descubrir. Un modelo que traballa por proxectos globalizadores, multidisciplinares e internivelares, e a través de saídas e viaxes temáticos. Unha ensinanza individualizada cun acompañamento de tutorización totalmente personalizado.
Atención á diversidade
Levamos a inclusión social por bandeira e acompañamos con especial coidado e cariño ás familias con crianzas neurodiverxentes, facilitando apoios académicos extra e reunións persoais co departamento de orientación, que conta con gran experiencia en altas capacidades, TEA, etc.
Ensinanza integral
Fomentamos a autonomía, o desenvolvemento das capacidades de comunicación, o traballo en equipo, a empatía, a creatividade (música, baile e plástica desde Educación Infantil), o respecto ao medio ambiente e á diversidade, os hábitos de convivencia e de autocoidado, o desenvolvemento de espírito crítico…
Crianza respectuosa
Apostamos por respectar os ritmos fisiolóxicos propios de cada etapa (fitos do crecemento) e por ensinar a recoñecer e xestionar emocións (asembleas, corro de diálogo en grupo, ioga e técnicas de meditación desde Educación Infantil).
Instalacións
Contamos con aulas temáticas para cada materia (material e ambientación propia), sendo o alumnado quen se despraza para asistir a cada clase, o cal contribúe a unha maior concentración e produtividade nas sesións académicas. Temos máis de 15.000 m2 de espazos exteriores (bosque, horta, xardíns) e todo o mobiliario de interior adáptase ás necesidades físicas e emocionais de cada etapa.
Conciliación familiar
Contamos con: servizo de madrugadores (desde ás 07:40), comedor (sen cátering, comida caseira y saudable), apoios académicos e estudos asistidos gratuitos fóra do horario escolar, campamentos de nadal e verán, actividades extraescolares (linguas, deportes, arte e música).
Importancia das linguas
Fomento do galego, inglés obrigatorio desde Educación Infantil e tamén como extraescolar, francés obrigatorio ata 3º ESO, alemán extraescolar. Intercambios con Reino Unido en verán.
Ensinanza responsable en TIC´s
Aseguramos o coñecemento e manexo hábil das tecnoloxías relacionadas con cada materia. Apostamos polo modelo nórdico no uso restrinxido de pantallas dentro da aula, así como pola concienciación sobre os riscos actuais.
Resultados profesionais e persoais
Contamos con excelentes resultados na ABAU todos os anos e exalumn@s con grandes éxitos laborais e vitais.
Que din de nós?
Se tes algunha pregunta sobre o colexio ou queres concertar unha visita ás nosas instalacións, por favor, contacta connosco utilizando o seguinte formulario e un membro do equipo de admisións responderache.
