Modelo educativo
Defendemos a educación por proxectos a través dos ciclos da natureza e da cultura máis próxima, apostando por un modelo laico e construtivista que fomenta a curiosidade e o espírito crítico.
O noso método
Unha educación laica que aposta por unha metodoloxía sen libros de texto baseada na investigación e o fomento da curiosidade. Partimos do que cada un ou cada unha é, coa fin de acompañar á persoa na adquisición de autonomía e seguridade afectiva para poder, así, afrontar a vida nun futuro próximo. Proporcionamos espazo, tempo, materiais e recursos que atenden ás distintas necesidades de cada un.
Titoría individualizada
Un tempo e un espazo para que cada un sexa atendido na súa traxectoria escolar.
Titoría en grupo
Unha hora semanal para organizar unha asemblea, expoñer, debater, resolver conflitos e, conxuntamente, mellorar a convivencia.
Delegadas e delegados
Cada nivel elixe as súas delegadas e delegados para reunirse co grupo en asemblea e unha vez ao ano co Equipo Directivo.
Profesorado e familias
Entrevistas, reunións de nivel, informes e demais aspectos relevantes e necesarios.
Alumnado e claustro
Revisan e evalúan o Regulamento de Réxime Interno e as normas de convivencia.
Grupos reducidos
De forma habitual realizamos desdobramentos de grupos para así dar resposta ás demandas de cada nena e cada neno e seguir o seu ritmo individual de maduración e desenvolvemento.
A convivencia no centro
O día a día é fundamental no centro, fomentando unha magnífica convivencia entre todos os membros da comunidade educativa: dirección, equipo docente, departamento de orientación, alumnado, persoal non docente (persoal de cociña, de limpeza e de secretaría). Cremos no valor da amabilidade, a comunicación e o respecto á diversidade.
As “reunións dos mércores”
A ilusión, implicación e coordinación do equipo docente é constante.
Todos os mércores pola tarde reúnese o claustro enteiro, ou ben o profesorado por etapas, departamentos e comisións, para a posta en común de ideas en canto ao desenvolvemento de proxectos globalizadores, ou para poñerse ao día das necesidades específicas do alumnado.
Estas reunións axúdannos a garantir que todos os membros do profesorado estean en sintonía con respecto a unha serie de cuestións, desde asuntos concernentes aos estudantes ata temas relacionados coas políticas e os procedementos da escola.
Departamento de orientación
Desde o Departamento de Orientación e Psicoloxía búscase que a nosa comunidade educativa estea conformada por familias e profesorado comprometidos nunha labor común: aprenderlles a pensar, a ser persoas respectuosas, a convivir, a ser capaces de comportarse, de decidir e de construir.
A psicóloga do centro apoia e asesora ás familias de cara a unha optimización da educación personalizada. Ademais coordina un traballo sistemático de acción titorial con todo o profesorado.
Baixo a guía da psicóloga de centro, o profesorado e as titoras e titores elaboran as adaptacións curriculares para cada estudante con calquera tipo de necesidade educativa (alta, media ou baixa dotacional), facendo un seguimento individual exhaustivo.
Desde Educación Infantil a Bacharelato, a acción titorial é unha responsabilidade compartida por todo o profesorado, titores e coordinadores de etapa.
Etapas de estudo
Infantil
Adquirindo valores, hábitos e autonomía atendendo o período de adaptación, aos ritmos e rutinas da vida cotiá e ao desenvolvemento emocional e social.
Primaria
Partindo dos intereses do alumnado e da natureza como eixo central conxugamos a aprendizaxe activa e o traballo cooperativo en todas as dimensións educativas.
Secundaria
Priorizamos o método científico e adecuámonos a cada un dos Departamentos Didácticos afianzando as bases académicas e sociais durante a adolescencia.
Bacharelato
Preparación específica, teórica e académica para as probas de acceso á universidade, obtendo o 100% de aprobados na Selectividade, agora coñecida como PAU.
Formación profesional
Ofrecemos formación profesional para obter o Ciclo Superior en Educación Infantil ou o Ciclo Medio de Xestión Administrativa mediante unha metodoloxía construtivista.
Se tes algunha pregunta sobre o colexio ou queres concertar unha visita ás nosas instalacións, por favor, contacta connosco utilizando o seguinte formulario e un membro do equipo de admisións responderache.
